പൊതിഞ്ഞു വച്ചിരിക്കുന്നു
അടുക്കടുക്കായി
മരങ്ങളുടെ ശവങ്ങള്
രാവെട്ടത്തില്
വേരുകള് പിഴുതെറിഞ്ഞ്
ചുറ്റും കൂടി നില്ക്കുന്നു
ബാക്കിയായവ
ഇരുളിലകള് മുഴുവന്
കണ്ണുകളാണെങ്കില്
അതിലെരിയുന്ന തീ കണ്ടേനെ
കാണെക്കാണെ
അവയെല്ലാം വേരുകളിലേക്കു തന്നെ
മടങ്ങിപ്പോകുന്നു
പിറ്റേന്ന്
തീപിടിച്ച കാടിനെക്കുറിച്ചു കേട്ട്
കരഞ്ഞുകരഞ്ഞ്
ഞാന് ചിരിച്ചു പോയി
ഉപമയിലെ ആട്
7 hours ago