തൊട്ടു മുൻപ്

കൊല്ലാൻ

കൈ എടുക്കുന്ന സമയം കൊണ്ട്

ആ കൊതുകിന്

പറന്നു രക്ഷപ്പെടാമായിരുന്നു

അല്ലെങ്കിൽ

വീശാനുള്ള തയ്യാറെടുപ്പിനു തൊട്ടു മുൻപ്

അതുമല്ലെങ്കിൽ

കൊടുങ്കാറ്റിൽ ചുറ്റിപ്പിണഞ്ഞ് 

കടപുഴകിയ

മരം പോലെ

ആഞ്ഞുപതിക്കുന്നത്

കാണുന്ന ആ നിമിഷം

എന്നിട്ടും

അത് ചെയ്തില്ല

മരണം

സ്വാഭാവികമായി

അതിന്റെയുടൽ

ചോരയിലരച്ച് 

തുടച്ചു കളഞ്ഞു 

രക്ഷപ്പെടണമെന്ന്

ഒട്ടുമാഗ്രഹിക്കാതെ

ചിലപ്പോൾ നാം കയറി നിൽക്കുന്ന ശൂന്യത

അരഞ്ഞു പോവുന്നതിനു

തൊട്ടു മുൻപ്

ചില കണ്ണുകളിൽ

വായിച്ചെടുക്കാം

പി എ അനിഷ് അശോകൻ