Thursday, February 11, 2010

ജലസസ്യങ്ങള്‍

എപ്പോള്‍ വേണമെങ്കിലും
മുങ്ങിപ്പോയേക്കാവുന്നൊരു
തുരുത്തിലാണ്
നമ്മുടെ ജീവിതം

ചുറ്റുമുളള മരങ്ങളി
ലിളംകാറ്റു പരക്കുമ്പോഴു
മവയുടെ
വേരുകള്‍ക്കിടയില്‍
പടരുന്നുണ്ട്
ജലവിരലുകള്‍

എപ്പോള്‍ വേണമെങ്കിലും
കടപുഴകിയേക്കാവുന്നൊ
രോര്‍മയുടെ
വൃക്ഷത്തിനു കീഴെയാണ്
നമ്മളിപ്പോള്‍

വെയില്‍
ഇടയ്ക്കിടെ വന്നു
നമ്മുടെ കവിളുകളിലും
കണ്ണരികുകളിലും
പുളളികളിട്ടു മായുന്നുണ്ട്

അതു നമ്മളിലൊരു
വരുംകാല സ്വപ്നത്തിന്റെ
കുമിളകളാവുന്നുമുണ്ട്

ചെറുചിരികളും
കരച്ചുലും കൊണ്ട്
വരച്ചു വയ്ക്കുന്നൊരു മണ്‍ചിത്ര
മല്ലാതെ
മറ്റെന്താണ് ജീവിതമെന്ന്
പറഞ്ഞു പോകാമെങ്കിലും
കൈപ്പിടിയില്‍ നിന്നൂര്‍ന്നു
പോയതൊഴിച്ചാലും
ബാക്കിയാവുന്ന
ചിലത്
ഒരു പക്ഷേ,
സ്നേഹം കൊണ്ടുമാത്ര
മറിയാനാവുന്ന ചിലത്

അതിന്റെ
നേര്‍ത്ത നേര്‍ത്ത
മുടിയിഴകള്‍ പോലുളള
നൂലിഴകളില്‍പ്പിടിച്ച്
ചിറകുകളില്ലാതെ
നാം പറക്കുകയാണല്ലോ

ഇപ്പോള്‍ വേണമെങ്കിലു
മവസാനിച്ചേക്കുന്ന
ഈ ജീവിതത്തില്‍
നമുക്കു മാത്രമായ്
നാം പണിതൊരീ തുരുത്തു മുഴുവന്‍
മുങ്ങിപ്പോയാലു
മതിനും മുകളിലേക്കിലകള്‍
നീട്ടുന്ന ജലസസ്യങ്ങളായ്
നീയും ഞാനുമവശേഷിക്കില്ലെന്ന്
ദൈവത്തിനു പോലും
പറയാനാവില്ലല്ലോ

15 comments:

വല്യമ്മായി said...

നല്ല കവിത

റ്റോംസ് കോനുമഠം said...

അനീഷേ,

അതു നമ്മളിലൊരു
വരുംകാല സ്വപ്നത്തിന്റെ
കുമിളകളാവുന്നുമുണ്ട്

ഉണ്ടാവുമോ..? ഇഷ്ടായെടോ..!!

Vinodkumar Thallasseri said...

അതിജീവനത്തിണ്റ്റെ പ്രണയം. അതോ പ്രണയത്തിലെ അതിജീവനമോ?

സെറീന said...

നല്ല കവിത.

jayarajmurukkumpuzha said...

valare nannaayi.... aashamsakal.......

വിജയലക്ഷ്മി said...

ഒത്തിരി ഇഷ്ടപ്പെട്ടു ഈ കവിത ..

Manoraj said...

thikachum sariyaya karyam..

സ്നേഹപൂര്‍വ്വം ശ്യാമ....(snehapoorvam syama) said...

nice theme.. evideyo kollunnu..
puthya kavithakal oridavelakku sesham ente blogil, nokkumallo....

ഉമേഷ്‌ പിലിക്കൊട് said...

kollaam mashe

എം.പി.ഹാഷിം said...

എവിടെപ്പോയി സുഹൃത്തെ
ജലസസ്യങ്ങള്‍ വായിച്ചു മടുത്തു
ആ മനസിലുള്ള പുതിയ കവിത ഇങ്ങോട്ടെഴുതി വിട്.
വല്ലാത്ത ബോറടി !

pulsespa said...

mungippokunnu, kada puzhaki veezhunuu, avasanikkunnu, eppozhengilum. pessimistic aaya chinthakal. But, evideyo prathheekshayude oru kulirundu kavithayil. Kaathu kaathirunnu ningalude school magzine kittiyappol illathayathu poleyulla onnu.

jithin jose said...

ചെറുചിരികളും
കരച്ചുലും കൊണ്ട്
വരച്ചു വയ്ക്കുന്നൊരു മണ്‍ചിത്ര
മല്ലാതെ
മറ്റെന്താണ് ജീവിതമെന്ന്
പറഞ്ഞു പോകാമെങ്കിലും
കൈപ്പിടിയില്‍ നിന്നൂര്‍ന്നു
പോയതൊഴിച്ചാലും
ബാക്കിയാവുന്ന
ചിലത്
ഒരു പക്ഷേ,
സ്നേഹം കൊണ്ടുമാത്ര
മറിയാനാവുന്ന ചിലത്...........

സലാഹ് said...

ഉള്ളില്ത്തൊട്ടു

വിജയലക്ഷ്മി said...

kavitha valare nannaayittundu..

സോണ ജി said...

താങ്കളുടെ ഈ കവിതയെപറ്റി ഹരി സാര്‍ എഴുതി കണ്ടു.ഭാവുകങ്ങള്‍!!!

കിളിവാതില്‍

Text selection Lock by Hindi Blog Tips

  © Blogger template Palm by Ourblogtemplates.com 2008

Back to TOP