Tuesday, November 8, 2011

കുറുമ്പ്


പുറത്തിറങ്ങാ
നൊരു വാതിലാണുള്ളത്
ആരാണതു തുറന്നുവെയ്ക്കുന്നതെന്നറിയില്ല
ആട്ടിന്‍പറ്റത്തെപ്പോലെ
ഇരുട്ടുമുഴുവന്‍ പുറത്തിറങ്ങി
രാത്രിയായി

അകത്തുകയറാ
നൊരു വാതിലാണുള്ളത്
ആരാണതടച്ചുവയ്ക്കുന്നതെന്നറിയില്ല
ആട്ടിന്‍പറ്റത്തെപ്പോലെ
ഇരുട്ടുമുഴുവന്‍ തെളിച്ചകത്താക്കി
പകലായി

എങ്കിലും
ചില കുറുമ്പന്മാരുണ്ട്
അകത്തുകയറാതെ
ഒളിച്ചുനടക്കും
മുളങ്കൂട്ടത്തിനുള്ളിലോ
കാരപ്പൊന്തയ്ക്കുള്ളിലോ
പണിനടക്കുന്ന വീട്ടിലെ
അടച്ചിട്ട മുറിയ്ക്കുള്ളിലോ
പതുങ്ങിയിരിക്കും

പുലിപിടിച്ച ആട്ടിന്‍കുട്ടിയുടെ
ഞരക്കത്തോടെ
കയര്‍ത്തുമ്പിലാടുന്നവന്റെ നെഞ്ചില്‍ നിന്നും
ചാടിയോടുന്നതു  കണ്ടിട്ടുണ്ട്
ഇത്രയും കുറുമ്പ്
വേണ്ടായിരുന്നെന്നു തോന്നിയിട്ടുണ്ട് !

8 comments:

Mohammed Kutty.N said...

'കുറുമ്പ്' അസ്സലായി.കവിക്ക്‌ അഭിനന്ദനങ്ങള്‍ !

Njanentelokam said...

പകുതി തുറന്ന അല്ലെങ്കില്‍ അടച്ച വാതിലിലൂടെ എങ്ങോട്ട് പോകണമെന്ന് തീരുമാനിക്കാം...
തോന്നിയവാസം ആണ് ശരിയായ തീരുമാനം
ശരിയും തെറ്റും ആരെയാ ബാധിക്കുന്നത്?

naakila said...

നന്ദി പ്രിയ മുഹമ്മദ്കുട്ട ഇരിംബില്ലിയം,നാരദന്‍

ആര്‍. ശ്രീലതാ വര്‍മ്മ said...

good one, anish...

എം പി.ഹാഷിം said...

കുറുമ്പ്!!

ആറങ്ങോട്ടുകര മുഹമ്മദ്‌ said...

എന്തൊരു വിഭ്രമജനകമായ കാഴ്ച!

ജയരാജ്‌മുരുക്കുംപുഴ said...

assalayi.... abhinandanangal.......... PLS VISIT MY BLOG AND SUPPORT A SERIOUS ISSUE............

സ്വപ്ന നായര്‍ said...

KOLLAM

കിളിവാതില്‍

Text selection Lock by Hindi Blog Tips

  © Blogger template Palm by Ourblogtemplates.com 2008

Back to TOP