Friday, May 20, 2011

സാന്‍ഡ് വിച്ച്

പേപ്പറില്‍
പൊതിഞ്ഞുവാങ്ങിയൊരു കഷണം
തണുപ്പിച്ച നിലാവു നുണഞ്ഞിരിയ്ക്കെ
അസ്തമയസൂര്യനൊരു
കുഞ്ഞിച്ചിരിയാണെന്നു നീ

ആകാശവും കടലും ചേര്‍ന്നതിനെ
യിറുക്കിപ്പിടിച്ചു
ശ്വാസം മുട്ടിക്കും

നമുക്കിടയിലുമൊരു
കുഞ്ഞിച്ചിരിയുണ്ട്
നമ്മള്‍ കണ്ടിട്ടില്ലെങ്കിലും
നമുക്കുമതിനെയിറുക്കിപ്പിടിച്ചൊരു
സാന്‍ഡ് വിച്ചാവണം !

6 comments:

ശ്രീനാഥന്‍ said...

അയ്യ! കുഞ്ഞിച്ചിരിയെ ശ്വാസം മുട്ടിക്കല്ലേ!

മുകിൽ said...

ശ്വാസം മുട്ടുമ്പോൾ അസ്തമയസൂര്യൻ അലിഞ്ഞു പോകും. അതുകൊണ്ടു കുഞ്ഞിച്ചിരിയെ സൂക്ഷിക്കണം.
നല്ല നറുമണമുള്ള കവിത, അനീഷ്.

പ്രഭന്‍ ക്യഷ്ണന്‍ said...

സാന്‍ഡ് വിച്ചിന്റെമണം....
നല്ല കവിത...
ന്റമ്മോ..എങ്ങനെ വരുന്നീ ഭാവന...!!
ഇഷ്ട്ടപ്പെട്ടൂട്ടോ...!!
ആശംസകള്‍...!!!

സുസ്മേഷ് ചന്ത്രോത്ത് said...

പ്രിയ അനീഷ്,
വൈലോപ്പിള്ളി സാഹിത്യ പുരസ്കാരത്തിന് അഭിനന്ദനങ്ങള്‍...

Ranjith Chemmad / ചെമ്മാടന്‍ said...

നന്നായി അനീഷ്, പുരസ്കാരത്തിന്‌ അഭിനന്ദങ്ങൾ, ഒരിക്കൽക്കൂടി....

sreelatha said...

ആകാശത്തിനും ഭൂമിക്കും മേലെ കുഞ്ഞിച്ചിരിയുടെ അവകാശം മനോഹരം.

കിളിവാതില്‍

Text selection Lock by Hindi Blog Tips

  © Blogger template Palm by Ourblogtemplates.com 2008

Back to TOP