Friday, August 13, 2010
കടലേറ്റം
റോഡരികില്
വടിവൊത്ത
മീന്ശരീരങ്ങള്ക്കു മുന്നില് നിന്നു
വിലപേശുമ്പോള്
പൊടുന്നനെ
കടല്മണം വന്നു
ചുറ്റും പരക്കുന്നു
തിരകളായ്
അടര്ന്നടര്ന്നു പോകുന്ന
തൊലിയ്ക്കുളളി
ലുറങ്ങാതുറങ്ങു
മാഴക്കടലിന്റെ മണം
അപ്പോഴതാ
ജീവന്വച്ച മത്സ്യങ്ങള്
കടലാഴത്തിലെന്നവണ്ണം
വായുവിലൂടെ നീന്താന് തുടങ്ങുന്നു
ഭീതിയോ നടുക്കമോ കലര്ന്ന്
അവയ്ക്കു പിറകേയോടുന്ന
മീന്കാരന്റെ കണ്ണുകള്
കടലിനടിയിലാണീ റോഡു
മതിനരികിലെ
മീന്കൂടാരവു
മപ്പുറത്തപ്പുറത്തെ
പഴക്കടയും
ഒന്നുമറിയാത്ത പോ
ലിതൊക്കെ നോക്കി
നില്ക്കുമെന്റെ
പുറത്തേയ്ക്കു വിടുന്ന
നിശ്വാസമല്ലോ
കുമിളകളായ് മുകളിലേക്കുയരുന്നത്
അവയെവിടെച്ചെന്നു
പൊട്ടുമവിടെയാണെന്റെ
വീടെന്നുമാത്രമിപ്പോളറിയാം.
Subscribe to:
Post Comments (Atom)
16 comments:
kadalettathil akappettupokunna anubhavam meenum kadalum manakkunna kavitha oduvil oru niswasathil jeevitham thanne thirichariyappedunnu
ജീവിതം തന്നെ ആഴിയില് ആണ്ട് പോകുമ്പോള് ഉള്ള പിടച്ചില്.
നന്നായി കവിത
നന്ദി പ്രിയ
കൃഷ്ണന്
ജസ്റ്റിന്
സസ്നേഹം
ആഴത്തിലൊരു വിഭ്രമത്തിലൂടെ നീന്തി സ്ഥലകാലബോധത്തിലേക്കു കണ്ണുതുറക്കുന്നു. നല്ല കവിത.
തിരകളായ്
അടര്ന്നടര്ന്നു പോകുന്ന
തൊലിയ്ക്കുളളി
ലുറങ്ങാതുറങ്ങു
മാഴക്കടലിന്റെ മണം...
നല്ല വിചാരം
നല്ല കവിത
നല്ല വിചാരം
നല്ല കവിത
കരമുങ്ങി കടലാഴം
കയമായ ചുഴിയിൽ
കഴിവാഴം തുഴയുന്നു
കരകാണാ തിരയേറാൻ!
തിരകളായ്
അടര്ന്നടര്ന്നു പോകുന്ന
തൊലിയ്ക്കുളളി
ലുറങ്ങാതുറങ്ങു
മാഴക്കടലിന്റെ മണം
കടല്, നന്നായി
കൊള്ളാം കടല്
നല്ല കവിത, ചിത്രവും
കവിതയിൽ കടൽ വിചാരമുണ്ട്, നന്നായിട്ടുണ്ട്!
ഒന്നുമറിയാത്ത പോ
ലിതൊക്കെ നോക്കി
നില്ക്കുമെന്റെ
വീടെന്നുമാത്രമിപ്പോളറിയാം
കവിത ഇഷ്ടപ്പെട്ടു....ചിന്തകള് കടലിനെ കുറിച്ചെങ്കിലും നദിപോലെ നല്ല ഒഴുക്കുണ്ട്.... ആശംസകള്
സസ്നേഹം
കൊച്ചുരവി
ഈ കടലിന്റെ ആഴം ഇഷ്ടമായീ
Post a Comment