തൊണ്ടോടു കൂടിയ നിലക്കടല
വറുത്തു വച്ചിരുന്ന
ബസ്റ്റാന്റില്‍ നിന്നൊരു പൊതിവാങ്ങി
അവസാനത്തെ സീറ്റിലിരുന്നു
പല പല പണികള്‍ക്കായ്
നഗരത്തിലേക്കു ചിതറി
പിന്നെയൊരു വറവുചട്ടിയിലേക്കിട്ട നിലക്കടലപോലെ
രാത്രിവണ്ടിയില്‍
ഗ്രാമത്തിലേക്കു പൊരിയുന്നവര്‍
സായാഹ്നപത്രത്താള്‍
മറിച്ചിരിക്കുന്നു ചിലര്‍
നരച്ച അതേ ആകാശത്തു
കണ്ണുനട്ട്
ഏതോ ഇടവഴിയിലേക്കോടിപ്പോകും ചിലര്‍
ഞാനോ
തോടുപൊട്ടിച്ച്
കടലതിന്നുകൊണ്ട്
വേരുകളിലൂര്‍ന്നിറങ്ങി
മണ്ണിനടിയിലൂടെ
മുളപ്പിച്ച് കാത്തിരുന്ന
മനസ്സുകളിലലഞ്ഞ്
കയററ്റത്തു കാറ്റിലാടി
ഇറങ്ങേണ്ട സ്റ്റോപ്പും കഴിഞ്ഞ്...
വൈകുന്നേരങ്ങളിൽ വന്നു മൂടുന്ന നിരാശ
1 month ago
9 comments:
കേരളം വിടുന്നതിനു മുമ്പ്‌ ഒരു അഭിമുഖത്തില്‍ മാധവിക്കുട്ടി പറഞ്ഞത് " അമ്മ എഴുതിയതൊന്നും എനിക്ക് മനസ്സിലായിട്ടില്ല" എന്നാണ്. എന്നാല്‍ മറ്റൊരു മകളായ ഡോ:സുവര്‍ണ്ണ നാലപ്പാട്ട് അമ്മയെ വൈകിയ വേളയിലെങ്കിലും അറിയാന്‍ ശ്രമിക്കുകയും അറിഞ്ഞുവന്നപ്പോള്‍ അന്ധാളിച്ചുപോകുകയും അറിയാന്‍ വൈകിപ്പോയല്ലോയെന്ന് ഖേദിക്കുകയും മുഴുവനുമറിയാന്‍ കാലമനുവദിക്കുമോയെന്ന് ഉത്കണ്റ്റാകുലയാവുകയും ചെയ്യുന്നുണ്ട്..
ഏതു വാക്കിലാണ് വായനക്കാരന്‍ തടഞ്ഞുനില്ക്കുകയെന്നും അവന്‍റെ/അവളുടെ വയനാപരിസരങ്ങളില്‍ നിന്നുകൊണ്ട് എന്ത് രാസപ്രവര്‍ത്തനമാണ് നടക്കുകയെന്നും എഴുത്തുകാരന് ശഠിക്കുക വയ്യല്ലോ!
എഴുതിയ വരികളില്‍ മാത്രമാണല്ലോ എഴുത്തുകാരന് കോപ്പിറൈറ്റ്!
വറചട്ടിയിലേക്ക് നിലക്കടലപോലെ പൊരിഞ്ഞുവീഴുന്ന ഈ കലികാലനിമിഷങ്ങളില്‍
" മുളപ്പിച്ച് കാത്തിരുന്ന മനസ്സുകളിലേക്ക്‌ " വേരുകളിലൂടെ ഊര്‍ന്നിറങ്ങാന്‍ കഴിയുന്നില്ലല്ലോയെന്നത് വല്ലാത്തൊരു വേദനയാണ്..
ആ മു‌ന്നു വാക്കുകള്‍
" മുളപ്പിച്ച് കാത്തിരുന്ന മനസ്സുകള്‍ " ..
അത് വല്ലാതെ സ്പര്‍ശിച്ചു.. നന്ദി.
Hello friend.. good poem. End of a busy day, last bus, all these images draw a picture in readers mind. Exceellent presentation with deep meanings!
നല്ല കവിത
ഇഷ്ട്ടപെട്ടു
വീണ്ടും വായിക്കും പലവട്ടം!
വളരെ പരിചിതമായ ചുവരിലെ ഒരു ഇഷ്ടചിത്രം! ഇഷ്ടപ്പെട്ടു!
വടക്കെസ്റ്റാന്റില്‍ നിന്നും എത്രയോ രാത്രികളില്‍ ഇങ്ങനെ
വറവുചട്ടിയിലേക്കിട്ട നിലക്കടലപോലെ
രാത്രിവണ്ടിയില്‍
ഗ്രാമത്തിലേക്കു പൊരിഞ്ഞിരിക്കുന്നു
കവിത നന്നായിട്ടുണ്ട്..ഒരുപാട് ഇഷ്ടായി.
അഭിവാദ്യങ്ങള്‍
മണ്ണിനടിയിലൂടെ
മുളപ്പിച്ച് കാത്തിരുന്ന
മനസ്സുകള്‍ കടന്ന്
മൗനത്തിന്റെ തോടിനുളളില്‍
ഉറങ്ങിയുണര്‍ന്നപ്പോഴേക്കും....
വളരെ ഇഷ്ടമായി അനീഷ്‌..
"പിന്നെയൊരു വറവുചട്ടിയിലേക്കിട്ട നിലക്കടലപോലെ
രാത്രിവണ്ടിയില്‍
ഗ്രാമത്തിലേക്കു പൊരിയുന്നവര്‍"
നല്ല പ്രയോഗം :)
പുതുമകള്‍ ഉള്ള കവിത...
ആശംസകള്‍..
Post a Comment