Saturday, September 18, 2010

കുഴഞ്ഞ്‌

എല്ലാം
കൂടിക്കുഴഞ്ഞു കിടക്കുന്നു

മണ്ണ്‌
വേരുകൾ
ജലം
സസ്യം
മരം
കിളികൾ
മനുഷ്യർ

വലിച്ചു വാരിയിട്ട
പുസ്തകംപോലെ
ഭൂമി

അടുക്കിപ്പെറുക്കി വെച്ച്‌
മടുത്ത്‌
തിരിച്ചു പോകും സൂര്യൻ
മടങ്ങിവരാത്ത
വേലക്കാരിയാവുന്നത്‌
എന്നാണാവോ ?

10 comments:

സോണ ജി said...

കുഴഞ്ഞു കിടക്കുന്നു കവിത വ്യത്യസ്ഥ ചേരുവകള്‍ കൊണ്ട് ..

സലാഹ് said...

ശരിക്കും കുഴയ്ക്കുന്നു, നന്ദി

ലിഡിയ said...

വലിച്ചു വാരിയിട്ട
പുസ്തകംപോലെ
ഭൂമി

അടുക്കിപ്പെറുക്കി വെച്ച്‌
മടുത്ത്‌
തിരിച്ചു പോകും സൂര്യൻ
മടങ്ങിവരാത്ത
വേലക്കാരിയാവുന്നത്‌
എന്നാണാവോ ?
ഇതില്‍ തന്നെ എല്ലാമില്ലേ?നന്നായിട്ടുണ്ട്...

MyDreams said...

ആശംസകള്‍

വാഴക്കോടന്‍ ‍// vazhakodan said...

നന്നായിട്ടുണ്ട്...ആശംസകള്‍

ശ്രീനാഥന്‍ said...

സൂര്യ്ൻ എന്നെന്നേക്കുമായി അസ്തമിച്ചു പോകുമോ ഈ ഭൂമിയുടെ ദുരവസ്ഥ കണ്ട് എന്ന് ഭയം തോന്നുന്നുവോ അനീഷ്? ഭൂമിയുടെ സ്വാഭാവികതാളത്തിൽ ഇടപെടരുതെന്നൊരു താക്കീത്-നന്നായി

ശ്രദ്ധേയന്‍ | shradheyan said...
This comment has been removed by the author.
ശ്രദ്ധേയന്‍ | shradheyan said...

വിയോജിക്കാതെ വയ്യ.

കുഴഞ്ഞു മറിഞ്ഞതെന്നു പ്രത്യക്ഷത്തില്‍ തോന്നുന്നതിന് പോലും ഒരു കൃത്യതയും ചിട്ടയും പ്രകൃതിയില്‍ തന്നെയില്ലേ? മണ്ണിലെ ലവണങ്ങളുടെ അളവ് മാറിയാല്‍, വെള്ളത്തിന്റെ ഒഴുക്കും ലഭ്യതയും ക്രമം തെറ്റിയാല്‍, കാടിന്റെ-കാറ്റിന്റെ-ചൂടിന്റെ അനുപാതം മാറിയാല്‍, സൂര്യന്‍ താപമൊന്നു കൂട്ടിയാല്‍.... ഉണ്ട്, അടുക്കും ചിട്ടയും പ്രകൃതിയുടെ ഭാഗമാണ്.

ഒന്നും ക്രമം തെറ്റാതിരിക്കട്ടെ. ആശംസകള്‍.

shaan said...

തനിയെ കുഴഞ്ഞു മറിഞ്ഞതാവില്ല... അങ്ങനെ ആക്കിയതാകാം...

സ്നേഹം

പി എ അനിഷ്, എളനാട് said...

നന്ദി പ്രിയ
സോണ
ശരിക്കും കുഴച്ചു അല്ലേ സലാഹ്
ലിഡിയ
മൈ ഡ്രീംസ്
വാഴക്കോടന്‍
സൂക്ഷ്മവായനക്ക് ശ്രീനാഥന്‍
വിയോജിപ്പറിയിച്ച ശ്രദ്ധേയന്‍
അങ്ങനെയുമാകാം ഷാന്‍

ഹൃദയത്തിന്റെ ഭാഷയില്‍

കിളിവാതില്‍

Text selection Lock by Hindi Blog Tips

  © Blogger template Palm by Ourblogtemplates.com 2008

Back to TOP