Wednesday, October 6, 2010

മാക്കാച്ചി



പെട്രോമാക്സിന്റെ
ന്‌ലാവെട്ടത്തിൽ
തോളത്തിട്ട ചാക്കുമായ്‌
വയൽവരമ്പിലൂടെ
പോകുന്നതുകാണാം

മഴവെള്ളമെഴുതിയ
പുല്ലുകൾക്കിടയിൽ
പതുങ്ങിയിരിക്കുന്നവയെപ്പിടിച്ച്‌
ചാക്കിലിടും

കതിരിടാറായ നെല്ലിനടിയിലൂടെ
വെള്ളത്തിലേയ്ക്കൂളിയിടും
ഞണ്ടുകൾ

രാവെളിച്ചത്തിലേക്ക്‌
പൊന്തിവന്ന വരാലുകൾ
ഒരു പുളച്ചിലിലപ്രത്യക്ഷമാകും

തെങ്ങുവരമ്പിലെ
അരണ്ട മൂകതയിൽ
കൂമന്റെ മൂളലുറഞ്ഞു പോകും

പൊടുന്നനെയൊരു തവള
പൊത്തിപ്പിടിക്കാനാഞ്ഞ കൈയിൽ
കൊത്തിയതും
കഴായിൽ വീണുടഞ്ഞ്‌
നിലാവു കെട്ടു

പിറ്റേന്ന്‌
തുറിച്ച നോട്ടത്തിൽ
കൊഴുത്തൊരു മാക്കാച്ചിത്തവള
കുളക്കരയിലിരിക്കുന്നതു കണ്ട്‌
കുട്ടികൾ കൂവി വിളിച്ചു
`ദേ സുലൈമാൻ തവള`

(മലയാളനാട് )

10 comments:

സലാഹ് said...

തെങ്ങുവരമ്പിലെ
അരണ്ട മൂകതയിൽ
കൂമന്റെ മൂളലുറഞ്ഞു പോകും

ഉപാസന || Upasana said...

തവളക്കാലൊ വീക്‍സെസ്സ് ആണ്, തിന്നാന്‍
:-)

MyDreams said...

:)

chirikathe enthu chyeem aneesh

ശ്രീനാഥന്‍ said...

തവളപിടുത്തക്കാരൻ തവളയായി മാറുന്നു. നല്ലൊരു പരിസ്ഥിതിവാദക്കവിതയായി മാറിയല്ലോ!

സോണ ജി said...

നര്‍മ്മവും,യുക്തിയും
സമ്മേളിതമാം നാ-
ക്കിലയിലതായൊ-
രു കവി തവള-
ക്ക് കൂട്ടു പോകുന്നു.
നന്ദി..നന്ദി നന്ദി !

എം.പി.ഹാഷിം said...

:-)

Malayalam Songs said...
This comment has been removed by a blog administrator.
Mahendar said...

വളരെ നല്ല മഴത്തണ്പ്പ്ള്ള വരികള്‍

ആര്‍. ശ്രീലതാ വര്‍മ്മ said...
This comment has been removed by the author.
Sabu M H said...

ഭയം തോന്നിപ്പിച്ചു.
Good visuals.

കിളിവാതില്‍

Text selection Lock by Hindi Blog Tips

  © Blogger template Palm by Ourblogtemplates.com 2008

Back to TOP