Tuesday, September 16, 2008

ജലോപരി

ലത്തിനു മുകളിലെ
മഞ്ഞു കഷണം
അതിന്
ആഴങ്ങളുടെ ഭാഷ
അറിയില്ല

അടിത്തട്ടില്‍
ചരിത്രത്തിന്റെ
താളില്‍
അടയാളപ്പെട്ട
കപ്പലുകളെക്കുറിച്ചറിയില്ല
പരസ്പരം
കൊന്നുംതിന്നുമുളള
ജീവിതത്തെക്കുറിച്ചറിയില്ല
ഉഭയജീവിതത്തിന്റെ
ഉറയ്ക്കാത്ത
ബോധമറിയില്ല

എങ്കിലും
ചലനത്തിന്റെ ഭാഷ
അതിനറിയാം
ഉണ്ടായിട്ടും
ഇല്ലാതായ
കനമില്ലായ്മയുടെ
സ്വത്വത്തെക്കുറിച്ചറിയാം
ഉറഞ്ഞുകൂടിയ
തണുപ്പിന്റെ
പൊളളലറിയാം

ആഴമറിയാത്തതിനാല്‍
ആകാശത്തിന്റെ വേരുകള്‍
കണ്ടിട്ടില്ലായിരിക്കാം
പ്രതിബിംബങ്ങള്‍ക്കുമുകളില്‍
കമഴ്ന്നുകിടന്ന്
അത് പൊട്ടിച്ചിരിക്കും
പിന്നെ
ദര്‍ശനങ്ങളുടെ മണമില്ലാത്ത
പച്ചയായ
ജീവിതസ്നേഹത്തില്‍ നിന്ന്
'തമസ്സല്ലോ സുഖപ്രദം'
എന്ന്
ഉരുവിട്ടു കൊണ്ടിരിക്കും!

1 comment:

Dinil said...

Out of your Kavitha'Jalopari'is impressed me.Thank you.

കവിതക്കുടന്ന

There was an error in this gadget

കിളിവാതില്‍

Text selection Lock by Hindi Blog Tips

  © Blogger template Palm by Ourblogtemplates.com 2008

Back to TOP