Thursday, September 18, 2008

പരിമിതം

കാണാനുളള
തിടുക്കം കൊണ്ടായിരിക്കാം
കുറേ കാഴ്ചകള്‍
ഞാന്‍ കാണാതെ പോകുന്നുണ്ട്

കേള്‍ക്കാനുളള
തിടുക്കം കൊണ്ടായിരിക്കാം
മുഴുവന്‍ കേള്‍ക്കാത്തതാണ്
പാട്ടുകളേറെയും

എഴുതാനുളള
തിടുക്കം കൊണ്ടായിരിക്കാം
എഴുതപ്പെടാത്തതാണ് ഭാവങ്ങളധികവും

അനുവദിക്കപ്പെട്ടിട്ടുളളത്
പരിമിതമായ നിമിഷങ്ങളാണ്
ഒരു കുമ്പിള്‍
തണുപ്പുകൊണ്ട്
തീരുന്ന ദാഹമല്ല
എന്റേത്

2 comments:

നരിക്കുന്നൻ said...

തീർച്ചയായും ഇതൊക്കെ എനിക്കും അനുഭവപ്പെടുന്നു. ഒന്നിനും മുഴുമിപ്പിക്കാൻ കഴിയുന്നില്ല. ഒന്നിനിടയിൽ മറ്റൊന്ന്.

ശിവ said...

ജീവിക്കാനുള്ള തിടുക്കം കൊണ്ടാവാം ഞാനും എന്തെക്കൊയോ മറക്കുന്നത്...

കവിതക്കുടന്ന

There was an error in this gadget

കിളിവാതില്‍

Text selection Lock by Hindi Blog Tips

  © Blogger template Palm by Ourblogtemplates.com 2008

Back to TOP