കണ്ടെത്തേണ്ടതുണ്ട്
സുരക്ഷിതമായ
ഒരിടം
ഇന്നത്തെ
രാത്രിയുറങ്ങാന്‍;
എന്നത്തേയുംപോലെ
മരച്ചില്ലകള്‍ക്കു കീഴില്‍
ഇല്ലിക്കാടിന്‍ തണുപ്പില്‍
മഞ്ഞു വീഴിക്കാത്ത
ചേമ്പിലച്ചോട്ടില്‍
നാളത്തെ കാറ്റില്‍
കരുത്തില്ലാത്ത ചിറകു മാത്രമായ്
അവശേഷിക്കാതിരിക്കാന്‍
വാലില്‍പ്പിടിച്ച്
നൂലുകെട്ടാന്‍ വരുന്ന
വിരലുകളെ
കളിപ്പിച്ചുകൊണ്ട്
മറ്റൊരു കുറ്റിച്ചെടിയില്‍
ചെന്നിരിക്കാന്‍
മഴവില്ലിനേക്കാള്‍ ഭംഗിയെന്ന്
കണ്‍പീലികള്‍ തെളിയുന്നത്
കണ്ടിരിക്കാന്‍
കണ്ടെത്തേണ്ടതുണ്ട്
സുരക്ഷിതമായ
ഒരിടം
വൈകുന്നേരങ്ങളിൽ വന്നു മൂടുന്ന നിരാശ
1 month ago
3 comments:
നല്ല വരികള്‍, ആശംസകള്‍..
നന്ദി. ഇ മെയില്‍ അയച്ചിട്ടുണ്ട് , നോക്കുമല്ലോ
p.a.anish
ഇഷ്ടായി ഇതും....
Post a Comment